Horologium dimetitur Horas.
Solarium, 1.
ostendit umbrâ Gnomonis 2.
quota sit Hora;
sive in Pariete,
sive in Pyxide Magnetica, 3.
Clepsydra, 4.
ostendit partes horae
quatuor, fluxu Arenae, olim aquae.
Automaton, 5.
numerat etiam Nocturnas Horas,
circulatione Rotarum,
quarum maxima
trahitur a Pondere, 6.
et trahit caeteras.
Tum vel Campana, 7.
sonitu suo, percussâ
a Malleolo, vel Index extra
Circuitione sua indicat horam.