LVII.
Zythopoeia
Ubi Vinum non habetur,
bibitur Cerevisia (Zythus),
quae coquitur ex Byne (Polenta), 1.
et Lupolo, 2.
in Aheno, 3.
post effunditur in Lacus, 4.
et, frigefacta,
defertur Labris, 5.
in Cellaria, 6.
et infunditur vasibus.
Vinum sublimatum
extractum vi caloris
e fecibus vini in Aheno, 7.
cui Alembicum, 8.
superimpositum est,
destillat per Tubum, 9.
in Vitrum.
Vinum et cerevisia, cum acescunt
fiunt Acetum.
Ex vino et Melle faciunt Mulsum.