Anima est vita corporis, una in toto.

Tantum Vegetativa in Plantis;
Simul Sensitiva in Animalibus;
Etam Rationalis in Homine.

Haec consistit in tribus:

In Mente (Intellectu)
quâ cognoscit, et intelligit,
bonum ac malum,
vel verum, vel apparens.

In Voluntate, quâ eligit,
et concupiscit, aut rejicit,
et aversatur cognitum.

In Animo, quo prosequitur,
Bonum electum,
vel fugit Malum rejectum.
Hinc Spes et Timor,
in cupidine et aversatione.
Hinc Amor et Gaudium,
in fruitione.
Sed Ira ac Dolor,
in passione.

Vera cognitio rei,
est Scientia;
falsa, Error,
Opinio, Suspicio.

Retro