CXLIV.
Religio
Pietas, 1.
Regina Virtutum,
notitiâ Dei haustâ
vel ex Libro Naturae, 2.
(nam opus commendat Artificem)
vel ex Libro Scripturae, 3.
colit Deum, 4. humiliter;
recolit mandata ejus
comprehensa in Decalogo, 5.
et conculcans Rationem,
oblatrantem canem, 6.
praebet Fidem, 7.
et assensum Verbo Dei,
eumque invocat, 8.
ut Opitulatorem in adversis.
Officia divina fiunt in Templo, 9.
in quo est Penetrale (Adytum), 10.
cum Altari, 11.
Sacrarium, 12.
Suggestus, 13.
Subsellia, 14.
Ambones, 15.
et Baptisterium, 16.
Omnes homines sentiunt esse Deum,
sed non omnes norunt deum recte.
Hinc diversae Religiones,
quarum IV. numerantur adhuc primariae.