Liberalitas 1.
servat modum circa Divitias,
quas honeste quaerit
ut habeat quod largiatur Egenis, 2.
Hos vestit, 3.
nutrit, 4.
ditat, 5.
Vultu hilari, 6.
et manu alata, 7.
Subjicit opes, 8.
sibi, non se illis,
ut Avarus, 9.
qui habet, ut habeat,
et non est Possessor
sed Custos bonorum suorum,
et insatiabilis semper corradit, 10.
unguibus suis.
Sed et parcit et adservat,
occludendo, 11.
ut semper habeat.
At Prodigus, 12.
male dispertit bene parta,
ac tandem eget.